okiskinwahamâkêwin pimipayicikêwikamik êkota kihcikiskinwahamâtowikamikohk

anima kihcikiskinwahamâtowikamik astêw ôta nikotwâsik tipahamâtowin askîy, êkota sisonê apihtâ-kîsikanohk Saskatchewan sîpîyihk saskatôminahtikohk. ka pimipayitâcik okiskinwahamâkêwin ê kî mâcipayihk 1964, mêkwâc mitâtaht atoskêwak êkota, êkwa ê ayâcik kâ mâci misayinêk graduate program êkota kihcikiskinwahamâtowikamikohk. êkospî 2012, anima Program Review Committee ê miskahkik anihi graduate programs êkota ka pimipayitacik okiskinwahamâkêwin pêyakwan atoskêwinihk, scholarship, êkwa kîsihtâwin tâskoc kotakwa programs êkotî kihcikiskinwahamâtowikamik London êkwa Cambridge kihcikiskinwahamâtowikamik. 

ka pimipayitâcik okiskinwahamâkêwin graduate programs anihi ê osihcikâtêki osci okiskinwahamâkêwak, okimâw okiskinwahamâkêwak, okiskinwahamâkêw pimipayicikêwak êkwa kihcikiskinwahamâtowikamikwa opimipahicikêwak êkwa Ministry of Education atoskêwîyiniwak. êyakwa pimipayihcikêwikamik ka kiskinwahamâkêcik, nitonikêcik, êkwa kiskêhtamowin apacihtawak mâmawi atoskêwin manitonêhcikan, kiskinwahamâkêwin pimipayicêwin, onîkânêwin manitonêhcikan, îyiniw kiskinwahamâkêwin pimipayicikêwin, pîtos ayisîniw pimipayicikêwin, kiskinwahamâkêwin sôniyâw pimipayicikêwin, kiskinwahamâkêwin itasowâcikêwin, êkwa kiskinwahamâkêwin nitonikêwin. akayâsîmowin pokwêta apacihcikatêw. 

okiskinwahamâkêwin pimipayicikêwikamik nisto graduate degree programs mîyiwak okiskinwahamâkanak êkota saskatôminahtikohk kiskinwahamâtowikamikohk: Master’s of Education (atoskêwin kiskinwahamâsowin), Master’s of Education (masinahikêwin), êkwa Doctor of Philosophy (masinahikêwin). kahkiyaw programs mâcipayinwa takwâkîpîsimi tahtwâ askîy. poko ka kahtinamihk masinahikêwina pwâmiyisk nistomitanow akimihci ihkopîwipîsim ka mâcihtâcik okiskinwahamâkanak nôcihtahawipîsim êkota PhD program êkwa pêyak akimihci kisêpîsim ka mâcihtâcik nôcihtahawipîsim Master’s program. kotakwa kîkwaya astîna êkota mahtâwi apacihcikani masinahikêwinihk.

nântaw nikotwâsik mitanow nîyânanosâp PhD okiskinwahamâkanak kâ kîsihtâcik atoskêwak pokwêtî kihcikiskinwahamâtowikamikwa misawîy askihk. mihcêt kâ kîsihtâcik ohi Master’s masinahikana pimipahitâwak kiskinwahamâtowikamikwa. mihcêt kâ kîsihtâcik Master’s ahpo PhD kiskinwahamâkêwina pa pimipayihtawak kiskinwahamatowikamikwa.

okiskinwahamâkêwin pimipayicikewikamik ayâwêwak atoskêwîyiniwa ê wîcihtasowiyît îyiniw kiskinwahamâkêwinihk êkwa îyiniw kiskinwahamâkêwin nîkânêwin. nitonikêwin atoskêwin osci anima okiskinwahamâkêwin pimipayicikewikamik—the Saskatchewan Educational Leadership Unit (SELU)—kinwês kî pê wîci atoskawâcik mihcêt îyiniw iskonikana, tribal councils, ekwa tipahamâtowin atoskêwiyiniw Office of the Treaty Commissioner. okiskinwahamâkanak êkwa ka kî atoskatamak okiskinwahamâkêwiniwawa Master’s of Education (atoskêwin kiskinwahamâsowin) pokwêti misawîy askihk ota askihk. okiskinwahamâkêwin pimipayicikêwikamik mitoni mîywîhtamok ê mîyo wîciwâkanêcik mihcêt îyiniw iskonikana ota askihk.

mistêhtakwan ôma kiksinwahamâkanak ka kiskêhtahkihk:

  • graduate degree osci okiskinwahamâkêwin pimipayicikewikamik namôya ka kaskihtâwak ka kiskinwahamâkêcik ôts Saskatchewan ahpô Canada. kîspin nohtê kiskinwahamâkêwak, oskiskinwahamâkanak poko ka itotahkik anima Undergraduate Program of the College of Education—ahpo itikwê kâ miywâsiki Indian Teacher Education Program (ITEP) ahpô Saskatchewan Urban Native Teacher Program (SUNTEP).
  • kîspin nohtê  ahkami kiskinwahamâsotwâw okiskinwahamâkanak poko ka kocihtâcik êkota Master’s of Education (masinahikêwin) mâka anima Department’s Graduate Programs Committee ahpo êtikwê ka mêskocipitamok masinahikana okiskinwahamâkanak ka pakitinêhcik ka kiskinwahamâkosicik Master’s of Education (kiskinwahamâsowin atoskêwin). kîsihtâtwâw masinahikêwin kiskinwahamâsowina, okiskinwahamâkanak kâwi ka ki kiskinwahamâsowak masinahikêwin okiskinwahamâsowin.
  • okiskinwahamâkanak nitawêhtamok nîso askîy okiskinwahamâsowin ka kîsihtâcik Master’s Degree, PhD okiskinwahamâkanak nitawêhtamok nîyânan askîy ka kiskinwahamâsocik. 
  • okiskinwahamâkanak ê nitawêmihcik ka wâwêcihtâsocik êkwa ka wâwêcîwâkanêcik kotakwa okiskinwahamâkana êkwa okiskinwahamâkêwa. 
  • poko mahtâwi apacihcikan ka apacihtahk kîspin nohtê kiskinwahamâwak okiskinwahamâkanak.
  • okiskinwahamâkanak poko ka kîsihtâcik kahkîyaw ka nawasônahkik kiskinwahamâsowina iskohk kîsihtâtwâw kiskinwahamâsowin.
  • tamayikohk êtakihtêki kiskinwahamâsowina ôta kamiskâtêwa mahtâwi apacihcikan masinahikan êkwa poko ka kîsi tipahikatêki kiskinwahamâtowina âti kîsipayiki pîsimwa.
  • okiskinwahamâkanak kîspin wî wîcihawak ka kiskinwahamâkosicik poko ka ayâcik ôma masinahikan ka masinahikâtek êkwa ka itisahamihk êkota sôniyaw ka tasihkowiht.
  • kîspin ki ayân kîkway ê nohte kwêcihkwêmiyin, kwêcimihk opimipahicikîyiniw Dr David Burgess akayâsiyimô masinahatamowihk.